Azərbaycanlı alim beynəlxalq konfransda çıxış edib

AMEA-nın müxbir üzvü, professor Amin İsmayılov 27-30 sentyabr 2016-cı il tarixində Türkiyənin  Antalya şəhərində Türkiyənin Səlcuq Universitetinin təşkilatçılığı ilə keçirilən “Tətbiqi Elmlər üzrə Səlcuq Beynəlxalq Elmi Konfransı”nda  (İSCAS2016) iştirak edib. Konfrans  “ Elmə Əsaslanan Sistemlər üçün Məkan Verilənlərinin İşlənməsi, Modelləşdirilməsi və İdarə olunması” mövzusuna həsr olunub. Konfransın işində təşkilat komitəsinin üzvü kimi və seksiyalardan birinin sədri kimi  iştrak edən A.İsmayilov , həmçinin “Torpaqların rəqəmsal şorlaşma xəritələrinin tərtibində Coğrafi İnformasiya Sistemlərindən istifadə olunması” mövzusundə məruzə ilə çıxış edib. Müxtəlif beynəlxalq elm mərkəzlərinin nümayəndələri Coğrafi İnformasiya Sistemləri, Məsafədən Zondlama, elmi –tədqiqatlarda və layihələrdə kosmik şəkillərdən istifadə mövzusunda maraqlı təqdimatlarla çıxışlar ediblər. Konfransın sonunda bəzi məruzəçilərə, o cümlədən azərbaycan nümayəndəsinə  xüsusi Sertifikat  təqdim olunub.